كنت أتحدث مع عليا محمد عبد الغني ابنة الدكتور محمد عبد الغني المحال للمحاكمة العسكرية السابقه ،، وعمها هو المهندس ايمن عبد الغني المحال حاليا ،، كنا نتحدث عن الإعتقالات وظروفها ،، عليا كانت بتحكي وتضحك ،، تحكي وتضحك ،، الحقيقة كنت مستغربة جدا ،، سبحان الله ربنا يبعث الابتلاء للفرد ومعه الصبر ،، أذكر يوم أن أحتجز أبي في المطار لمدة قصيرة لا تزيد بأي حال من الأحوال عن 12 ساعه ،، كنت وقتها في الخامسة من عمري ،، لكن لا زلت أذكر جيدا ماحدث ،، وأتمني لو أنساه فهو ليس سارا ً بأي حال ٍ من الأحوال !!
ربنا يصبرهم فعلا ،، لا أتخيل أن يبتعد أبي عني ولو لحظة فقط ،، كمان إعتقال …دا يبقي علي جثتي ان شاء الله ….وعلي جثتي دا مش مجاز …دا حقيقة ..
****
نزلت أشتري جلبابات ،، (حيث أني لا أقتنع بالجيب والتيشيرتات كحجاب شرعي ) ،، ووجدت بالفعل جلبابات والعبايات ،، ولكنها تعمل بمبدأ ،، ” اللي مايشتري يتفرج ” ،، من فوقها لتحتها فصوص وترتر ،، حاجه تقرف والله ،، إنتهي الأمر بشراء القماش والتفصيل ،،
****
بفصل عند واحد من سنة اولي اعدادي ،، من ساعتها وهو بيقلي ياعسل ،، تقريبا هغير اسمي في الشهاده واخليه عسل الطويل 
المشكلة بس اني عاوزة افهمه اني بقيت في تانية جامعه يعني عسل دي مابقتش تنفع خالص …بس علي مين ،، الراجل عنده مبدأ ،، أي حد اقل من 170 سنتي بيبقي عسل والله أعلم ،،
***
علي النقيض بقي ،، جميع التباعين والسواقين في موقف الميكروباصات بيقولوا لي اتفضلي يادكتورة ،، ركب الدكتورة يابني ،، وأشياء علي غرار ذلك ،، في احتمال يااما انا دكتورة وانا مش واخده بالي ،، يااما انا هيبة اوي وشكلي مدكترة اوي 
***
ابن خالي داخل علينا واحنا بناكل اول حاجه قالها …..” كلوا وتمتعوا قليلا انكم مجرمون “ …حاجه تسد النفس والله
في نساء وصلوا لـ 170 سم ..
لو حبيت أعلق عند حضرتك .. أعلق لك هنا ولا هناك ؟؟
عادي جداً , الناس كلها بتلقب بعض بأي كلام
!
!
!
! , مقصدكيش طبعاً والله , ان بتكلم عالرجاله يعني 
!
طب مانا مفروض مهندس و بيقولولي يا استاذ
قبل ما اخش هندسة كان الناس كلها بتقولي يا بشمهندس !
من بعد ما دخلتها بطلوا يقولولي , بفكر اطلع منها عشان استعيد اللقب
ربنا معاكي في موضوع التفصيل ده , انا عمري ما حبيت التفصيل , وجع دماغ عالفاضي , انا مقتنع بإن التفصيل ده للي هم البنطلونات مش بتخش في رجليهم , يعني مثلاً واحد تخين جداً و حاجات كده عاهات
السلام عليكم
..
اعتقد هذا لانهم هكذا بروح طيبه ومرحه بمعرفتي بابن الدكتور محمد فهو دائما مبتسم بشوش ربنا يحفظهم ويحفظ والدهم.. يارب
انا كمان كلمت عسل ماسكه فيا من زمان لدرجة انى فعلا ساعات بغلط وبقلها لناي مينفعش اقلهالهم
اها صحيح يا دكتوره بالنسبه للوورد بريس انا معجب بيه من زمان من قبل ما اعرف بلوج سبوت كمان (كنت دائما ما اراه يحتوي مدونات خليجيه) وظننت انه مش مجاني .. مش عارف هو فعلا كان مش مجانى ولا هو الان ولا ايه مش فاااهم لكن انا شايف انه اظرف كتير ..
,وضاح
هو انتوا بس ولا ايه
اه يافندم في
وفي اكبر من كدا كمان
في اي مكان حضرتك هتنور يافندم
أراك لاحقا
آه هو تقريبا كدا …بس اصحابي بيتغاظوا ….حاجه هيبة كدا
عبد الرحمن
ربنا يحفظهم ويحميهم هما وابوهم ..
الوورد برس مجاني