ثانيا …كل اللي يدخل يقولي مبرووك علشان طلعت من الخمسة الأوائل في دورة الصراع
ثالثا …كل اللي يدخل برضه يقولي كل سنة وانا طيبة علشان كدا تميت سنة صحافه ، وبقيت سنة تانية
)
*******
إمبارح كنت في كلية سياسة وإقتصاد …كان عندي محاضرة ،، تابعه لموديل منظمة المؤتمر الإسلامي وكنت قد إلتحقت به في بداية العام ، كان المحاضر هو السفير سيد قاسمي المصري مساعد أكمل الدين أغلو – رئيس المنظمة – ، ماأعرفش كنت رايحه وانا ناوية نية مش تمام …سودا بمعني اصح ،، بس الحقيقة الراجل كان تمام تمام …كنت متشوقه جدا للمحاضرة ،، رحت لقيت الدكتورة هبه رؤوف هي المرافق بتاع الضيف ،، كنت مبسوطة جدا ،، أول مادخلت قالتلي ” منورة ” ماكنتش عارفه ان ماحدش كان منور غيرها
المحاضرة دي أثبتت إن في أماكن كتييير في العالم فيها ناس مسلمة بس أنا ماأعرفش عنهم حاجه !! حد كان يتخيل إن كوت دي فوار تطلع دولة إسلامية …ولا قرغيزيا …حد سمع عن قرغيزيا دي قبل كدا ؟؟!!!
موقف جميل السفير عمله ، قبل صلاة الظهر بربع ساعه إدانا بريك ، علشان نلحق نتوضي ونستعد للصلاة
أكتر حاجه عجبتني في المحاضرة الحديث عن اليونيفيل الإسلامي …وأكتر حاجه زعلتني بجد أنه قال انه حلم لسه كتييييير لما يتحقق ،، مع إني أعرف إن مصر مشاركة في اليونيفيل بتاع دارفور !!
*******
الحمد لله ، سجلت في إسلام أون لاين ، وإن شاء لله الحوار هينزل بكره أو بعده وهبقي أحط ان شاء الله لينك في المدونة للي عاوز يحمله
وشكر للأستاذ مجاهد والأستاذ باسل ، والأستاذ عبد الله ، ربنا يجزاهم خير علي الجهد وسجعله في ميزان حسناتهم..
لا تقطعيها
اولا كل سنه ووالدك بخير وسلامه
كوت دي فوار اه اعرف ان فيها مسلمين
بس البلد التانيه دى انا اول مره اسمع عنها اصلا
هستنى اللينك بتاع اسلام اون لين
اكيد الواحد هستفيد
كل سنة وعمو عادل طيب
مستنيين اللينك يا رورو
واضح ان كل اللي اعرفهم متفوقين
ان شاء الله نسمعه
ياخوفي يكونو خمسة
واحد طالع التالت
و انتي طالعة من الخمسة
بجد رائع
ربنا يوفقكم
و كل سنة و دكتور عادل طيب
بس انتي ازاي متسمعيش عن قرغيزيا !!!!
بجد انا مستغرب جدا
تجربتها في التغيير رائعة
رائعة بجد
اقريها عند احمد محسن
http://eyestillopen.blogspot.com/
و كويس اوي موضوع اسلام اونلاين
سلام
السلام عليكم ورحمة الله وبركاته
أطال الله في عمر والد حضرتك
وحسن في عمله …
__
تشرفني زيارتك اختي
كل سنة ووالدك طيب
ومبروك
ألف مبروك ، وكل عام وأنتما بخير
لكن سؤال فعلا ..
مين قرغيزيا دي ؟
—
تأجيل النطق بالحكم أصبح مسألة متوقعة في ظل “إذا لم تستح فاصنع ما شئت”
ولعل الله يريد أن يزيد عذاب الجلادين !
بسم الله الرحمن الرحيم
هو انا كنت اعرف ان ساحل العاج دولة غالبيتها مسلمة وقرغيزيا ايضا كأحد دول التركستان , لكن لما فتحت موقع المنظمة فوجئت بوجود لبنان كعضو فى المنظمة اول مرة اعرف ان لبنان دولة مسلمة .
لكن سؤال اتمنى ان حضرتك تسأليه لأى حد من القائمين على موقع المنظمة – بما ان حضرتك اعلامية كبيرة يعنى وبتتصلى بأولى الامر – هما ليه عاملين موقع المنظمة بالعربى والانجليزى والفرنسى فقط ؟ يعنى مافيش الاوردو ولا الفارسى ولا التركى ولا الملايو ولا اللغات الاندونيسية رغم ان الشعوب دى تمثل اغلب المسلمين .
عذرا كل عام والوالد بخير وصحة وعافية
عمر مديد و عمل سديد إن شاء الله
ممكن بجى أعرف السبعة و تلاتين متر دبلان أبيض دولم اللي في اول المدونه لازمتهم إيه
من القلب
وحضرتك كذلك
ايوا بس دولة اسلامية ؟؟؟
قيرغيزستان سمعت عنها بس كدولة مسلمة أصلا ولا أعرف ان فيها مسلمين من أساسه
سارة بنداري
)
الله يكرمك بلاش رورو دي ياصراصيرو
وانتي طيبة ياباشا
عبد الرحمن عياش
عقبالك يافندم
بس ربنا يستر علشان مش مطمنة للنتيجه التانية وربنا يسترها علينا جميعا
سمية
اللهم آمين ولكم مثله
انا بالفعل زرت مدونتك من قبل قريبا جدا من يوم او اتنين بس
الصارم الحاسم
وحضرتك بخير
ربنا يبارك فيك يافندم
خبيب
اشكرك وانت بخير
او مثل آخر اللي اختشوا ماتوا
محمود المصري
)
وحضرتك كذلك
بس لأن دي اللغات المنتشرة يعني مين هيدخل علي الموقع دا غير واحد متعلم …ليه في النت يبقي اكيد بيعرف انجليزي – عربي -فرنسي
أعتقد ذلك
وبعدين انا مش واصله اوي كدا
أبو شوشو
)
ههههه
لأ حضرتك بتستخدم انترنت اكسبلورر قديم …فيرجن أقل من سبعه ، لو استخدمت فاير فوكس هتتعدل او استخدمت اوبرا أو استخدمت اكسبلورر متطور شوية
كل سنة وعمو بخير
ألف مبروووووووووك
لو سمحت بلاش الأسماء الغريبة دى
سدج اللي جال خدوا فالكو من عيالكو
أم يوزنج أبره ناو زي البغاشة
شكرا لكده و أبو كده و أخوات كده