عارفين لما المرتب بيخلص ، والموظف يبقي نفسه كدا آول الشهر ييجي بسرعه علشان يسد الديون اللي عليه ،، هذا هو حالي الآن ، علي الرغم من أن أول الشهر بتاعي ، مش باينله نهار ،،
يعني شكل آخر الشهر دا هيدوووووم طويلا ويستمر ،،
علشان تعرفوا الي أنا فيه ، تخيلوا ……موظف قاعد في مكتب -ماأعرفش ايه حكاية الموظفين النهارده – وفي ناس كتيييييييييييير واقفين فوق دماغه ، عاوزينه يخلصلهم شغله ، هو دا حالي هذه الأيام
فأنا ياساده ياكرام ،، عندي 32 ملف ..أيون 32 ملف بحالهم مطبوعين عاوزين حد يقراهم ويلخصهم
في أربع كتب ، عاوزين اللي يقراهم برضه ،،
في شغل لويب ، متأخر من أربع شهور ….أي نعم والله أربع شهور ….وسبحان من صبرهم عليا ….بلسم والله
في راجل غالي عليا اوي خالص علي الآخر إعتقلووه ، المفروض يبقي عندي دم وأكتب عنه تدوينة …بس تقريبا مافيش …دم !!…شوفوا دا عجبني أوي
في يوم إتنين مااعرفش هيعدي ازاي ،، من محاضرة في سياسة واقتصاد ، لتسجيل في اسلام اون لاين للمهمة الأكبر والأهم …….عيد ميلاد بابا …وكل سنة وهو طيب علشان ابقي اول واحده قلتها …
شغل في الكلية متلتل …..وشغل أكثر تلتله في الجامعه ….وطبعا الكلية غير الجامعه ،، بحسب دا مفهوم !!
عاوزة أكتب عن تركيا ، وكوسوفو ، عاوزة أكتب عن اللجنة الإعلامية في الحركة النسائية الفلسطينية !!
عاوزة أكتب عن أردوغان ، عن تورجوت أوزال ، عن بديع الزمان ، عاوزة اكتب عن سيد قاسم المصري ، عاوزة أقابل لمياء شرف ، أسماء العريان ، عاوزة أخرج معاها …وأتكلم معاها …..بس مش عارفين و لا حتي فاضيين
حد طيب وابن حلال يتبرع لي ب….24 ساعه …ويبقي ليه الأجر والثواب ….والدعاء طبعا
يعني شكل آخر الشهر دا هيدوووووم طويلا ويستمر ،،
علشان تعرفوا الي أنا فيه ، تخيلوا ……موظف قاعد في مكتب -ماأعرفش ايه حكاية الموظفين النهارده – وفي ناس كتيييييييييييير واقفين فوق دماغه ، عاوزينه يخلصلهم شغله ، هو دا حالي هذه الأيام
فأنا ياساده ياكرام ،، عندي 32 ملف ..أيون 32 ملف بحالهم مطبوعين عاوزين حد يقراهم ويلخصهم
في أربع كتب ، عاوزين اللي يقراهم برضه ،،
في شغل لويب ، متأخر من أربع شهور ….أي نعم والله أربع شهور ….وسبحان من صبرهم عليا ….بلسم والله
في راجل غالي عليا اوي خالص علي الآخر إعتقلووه ، المفروض يبقي عندي دم وأكتب عنه تدوينة …بس تقريبا مافيش …دم !!…شوفوا دا عجبني أوي
في يوم إتنين مااعرفش هيعدي ازاي ،، من محاضرة في سياسة واقتصاد ، لتسجيل في اسلام اون لاين للمهمة الأكبر والأهم …….عيد ميلاد بابا …وكل سنة وهو طيب علشان ابقي اول واحده قلتها …
شغل في الكلية متلتل …..وشغل أكثر تلتله في الجامعه ….وطبعا الكلية غير الجامعه ،، بحسب دا مفهوم !!
عاوزة أكتب عن تركيا ، وكوسوفو ، عاوزة أكتب عن اللجنة الإعلامية في الحركة النسائية الفلسطينية !!
عاوزة أكتب عن أردوغان ، عن تورجوت أوزال ، عن بديع الزمان ، عاوزة اكتب عن سيد قاسم المصري ، عاوزة أقابل لمياء شرف ، أسماء العريان ، عاوزة أخرج معاها …وأتكلم معاها …..بس مش عارفين و لا حتي فاضيين
حد طيب وابن حلال يتبرع لي ب….24 ساعه …ويبقي ليه الأجر والثواب ….والدعاء طبعا
عموما ….
قول معايا قول بجد …هي عيشة ولا موتة ، ولافوته في حارة سد …؟؟؟؟؟
السلام عليكم
جميل جدا..
أعانكم الله علي شغلكم الكتييييير قوي ده..
مش عارف حضرتك بتجيبي وقت لده كله منييين
عالعموم
يسر الله لك …!!!
شوية ترتيب وتنظيم وقت وهتعدي العملية .. في أولويات .. وفيه مهام ..وفيه حاجات مش ليها لزمة نضيع فيها وقت ..
وده ألف .. به الإنسان المرتب المنظم .. محدد أهدافه .. وماشي عليها
وانا أعتقد إنك كده ..
مش كده ولا إييه
جزاكم الله خيرا ويسر لكم أموركم
كتبت تعليق ومنزلش
بصى هوه انا صحيح مبكنش حبة حد يعد يلومنى فى مواقف زنقة الوقت اللى زى دى لكن مفيش مانع بردو اسمعك كلمتين من اللى صحابى فى الكلية بيرمهوملى بسرعة كده فى الوقت ده
كلمات زى
طب وانتى راكمتى كل ده عليكى لييه؟؟
او بردو زى
تعلم ان تقول لا
عموما يا ارواية عشان بردو نقول الحقيقة ممكن تكونى ولا راكمتى ولا حاجة لكن كل الحاجات جت سوا كده فى وقت واحد..
ربنا يعينك وييسرلك
وتعمليهم كلهم كويس
اما عن باشمهندس خالد حمزة فمستنية تدوينتك عنه..
—–
قوول يا عم
قوول يا هم
قول لحد لسه فينا عنده دم
دعواتك